وكل باطل حجته ف ايده
والحق واقع حجته منه
مين اللى قادر يلمه
ويشيل على الكتف همه
انت النخيل الهزيل
قادر بكتفك تشيل
والمره نخ ومال
لا بتشتكى للزمن
ولا تلعن الحمّال
الشعر مش هتاف
ولا عمره مره خاف
يهتف ف وقت الجد
الشعر ملهوش حد
ف الحق لسان ورد
بيقوى بيه الضعيف
ويكشف كل زيف
ويبقى حصان وسيف
وف المعارك صد
الشعر ملهوش حد
متوقفوش حدود
يجتاز كل السدود
ويكسر القيود
فى غنانايبقى وعود
وللحريه الورد
الشعر ملهوش حد
